Die Sentrum vir Bedieningsontwikkeling is verbonde aan die Fakulteit Teologie by die Universiteit van Pretoria en is verantwoordelik vir die voortgesette bedieningsontwikkeling (VBO) van predikante van die NG Kerk

Lentekonferensie 2023
19 - 21 September

    Bly op hoogte!

Program vir 2023

Kwartaal 3:

AUGUSTUS
2 - 3  
Opleiding van Begeleiers van 'n Bedieningsdiagnose in Gemeentes
  • NG Kerk Suidoos-Pretoria (Stellastraat) 
  • 10 VBO-punte

14, 21 en 28  
Dink nuut oor jou bediening (6)
  • Aanlyn per Zoom 
  • 30 VBO-punte

22
Besoek: Prof Gordon Mikoski 
  • NG Kerk Stellastraat, Pretoria
  • 5 VBO-punte

23
Besoek: Prof Gordon Mikoski 
  • Johannesburg
  • 5 VBO-punte

SEPTEMBER
19 - 21  
Lentekonferensie 
  • Universiteitsoord en  
  • 30 VBO-punte​​ ​​

Kursusse en Werkswinkels

Excelsus ondersteun graag nuwe en opwindende leergeleenthede wat vir VBO punte in aanmerking geneem word. Hou dus gereeld hierdie afdeling dop.

Seminare met Prof Gordon Mikoski: 22 en 23 Augustus 2023
​--Uitgestel tot 2024--

Werkswinkel
Opleiding van Begeleiers van 'n Bedieningsdiagnose in Gemeentes

Excelsus gaan weer hierdie jaar ‘n werkswinkel aanbied waar predikante en ander gemeenteleiers opgelei word as begeleiers van ‘n Bedieningsdiagnose in gemeentes.
 
Die werkswinkel berus op die werkboek “Bediening in en van Missionale Gemeentes” wat in 2016 deur Malan Nel en Kennon L Callahan gepubliseer is.
 
Prof Malan Nel wat die aanbieder van die werkswinkel is, gee die volgende agtergrond:

Sedert 1991 was dit my voorreg om by ongeveer 150 gemeentes in verskillende denominasies, maar hoofsaaklik in die NG Kerk, prosesse in die ontwikkeling of opbou van missionale gemeentes te fasiliteer. Deel van hierdie fasilitering was groepsdinamiese diagnoses van bedieninge en funksionering in hierdie gemeentes.
 
Ek is op ‘n stadium in my lewe en bediening dat ek graag plaaslike predikante wil oplei om sodanige diagnoses te begelei.
 
My oortuiging is dat gemeentes wat trots is op hulle geskenkte identiteit in Christus byna logies begin vra: hoe gaan dit met ons? Die bedieningsanalise en -diagnose waarmee ek werk help gemeentes om te soek na die sterkpunte in hulle bediening.
 
Die nuwe werkboek waarmee ek werk (Nel en Callahan 2016) is gebou op teologies gemotiveerde nadenke oor wie ons is en wat ons doen. Daar is by my ‘n besliste keuse teen ‘n bestuurswetenskaplike verskraling van die gemeente tot ‘n organisasie wat met beplanning ‘reg gemaak’ kan word.
 
Dit gesê: hoe beter ons ons God gegewe identiteit besef, hoe meer noukeurig onderskei ons waar ons is, hoe dit gaan en soek ons saam waarheen ons op pad is. Die verskil is dat dit nie ‘n leiergedrewe evaluering van gemeentes is nie, maar ‘n diagnose deur die gemeente self, ‘n gemeente wat weet dat die bediening hulle s’n is. Die verwagting is dat minstens 20% van die gemiddelde oggenderediens aan die diagnose deelneem.
​
​Datum:          Woensdag 2 Augustus 2023 (14:00 – 16:30)
                        Donderdag 3 Augustus 2023 (09:00 – 16:00)
 
Plek:               NG Kerk Suidoos-Pretoria, (Stellastraat)
 
Koste:             R 430-00 wat die volgende insluit:
 
  • Werkboek: Bediening in en van Missionale Gemeentes. Gemeentediagnose (word by die werkswinkel beskikbaar gestel).
  • Verversings en middagete 
 
Sluitingsdatum: 1 Augustus 2023
 
Aanbieder: Malan Nel
 
VBO-punte: 10
​

Dink nuut oor jou bediening
(Sertifikaatkursus in Bedieningsvernuwing)
 
 Jy word uitgenooi na die volgende module in hierdie kursus gerig op predikante in die middelfase van hulle bediening:
 
“Hoe lyk ons bediening en leierskap in ‘n missionale konteks?”

14, 21 en 28 Augustus 2023 ​

Om leiding in die gemeente te gee, is nie die enigste ding wat ‘n dominee doen nie, maar dit is ‘n uiters belangrike ding. Ongelukkig het die meeste predikante bitter min opleiding hiervoor gekry. Predikante jonger as 40 dui leierskap die meeste aan as “die een ding waarvoor ek nie opgelei is nie”.

In hierdie module poog ons om baie prakties te kyk na die soort leierskap en bediening wat teologies verantwoord is en wat ons kan help om die missionale roeping van die gemeente te vervul.

Aanbieder:               Dr Lourens Bosman
Plek:                          Aanlyn per Zoom
Tye:                           14/8 (8:30 – 16:30), 21/8 (8:30 – 16:30), 28/8 (8:30 – 13:00)
Koste:                        R105
VBO:                          30 punte
Sluitingsdatum:     10 Augustus 2023

Nuut in die bediening
(Sertifikaat in Bedieningsontwikkeling)

Excelsus (die Sentrum vir Bedieningsontwikkeling aan die Fakulteit Teologie by UP) bied ‘n program  Nuut in die Bediening (Sertifikaatkursus in Bedieningsontwikkeling) spesiaal gerig op predikante in die beginfase (1-5 jaar) van hulle bediening aan.

Dit is ‘n kursus wat bedoel is om predikante in dié fase te help om op ‘n dieper en meer grondige vlak georiënteer te word ten opsigte van hulle bediening. Dit vorm ook deel van die verpligte drie jaar voortgesette bedieningsontwikkeling vir predikante en proponente wat pas gelegitimeer is.

Die kursus word in die formaat van nege blokke (van 3 dae elk) oor die loop van drie jaar aangebied. Persone wat inskryf, verbind hulle verkieslik vir die volle drie jaar van die kursus en woon 3 kontaksessies per jaar by. Indien jy nie op dié stadium vir die volle drie jaar kan verbind nie, kan jy afsonderlik vir enkelmodules inskryf.

Ons probeer die koste so laag as moontlik hou en vra R 105-00 per module. Betaling geskied per module, maar kan ook per jaar betaal word (dws R 315-00).  Vir proponente en predikante in deeltydse poste word die kursus teen ‘n spesiale verminderde koste van R80-00 per module aangebied (R 240-00 per jaar).

Persone wat die volle kursus voltooi, verwerf 270 VBO-punte (dws 90 punte per jaar). Vir 2023 is die beplanning dat die kursus volledig aanlyn aangebied word.

Die drie modules wat vanjaar aangebied word, is die volgende:
  • 7-9 Maart                 Wat maak ons met die erediens? (Aanlyn)
  • 6-8 Junie                   Wat maak ons met die Ou Testament? (Aanlyn)
  • 31 Okt - 2 Nov         Wat maak ons met die Nuwe Testament?  (Aanlyn)          ​
​

Dink nuut oor jou bediening
(Sertifikaat in Bedieningsvernuwing)

Excelsus het in 2014 in samewerking met Shepherd in Bloemfontein en Communitas in Stellenbosch  ‘n Sertifikaatkursus in Bedieningsvernuwing geloods.

Dit is ‘n intensiewe kursus wat bedoel om predikante te help om op ‘n dieper en meer grondige vlak geheroriënteer te word ten opsigte van hulle bediening.

Die kursus word in die formaat van nege blokke (van 3 dae elk) oor die loop van drie jaar aangebied. Persone wat inskryf, verbind hulle verkieslik vir die volle drie jaar van die kursus en woon 3 kontaksessies per jaar by. Indien jy nie op dié stadium vir die volle drie jaar kan verbind nie, kan jy afsonderlik vir enkel modules inskryf. Die kontaksessies word in Pretoria aangebied. Die oorblywende modules van die kursusse wat tydens Covid begin het, sal steeds aanlyn aangebied word.

​Persone wat die volle kursus voltooi, verwerf 270 VBO-punte (dws 90 punte per jaar). 

Die modules wat vanjaar aangebied word, is die volgende:
  • 6, 13 en 20 Februarie         Wat sê die Drie-enige God oor ons roeping? (Aanlyn)
  • 18-20 April                          Hoe vorm ons gemeenskap in ons gemeente? (Aanlyn)
  • 8, 15 en 29 Mei                   Hoe lyk ons identiteit as predikante? (Aanlyn)
  • ​14, 21 en 28 Augustus        Hoe lyk ons bediening en leierskap in 'n missionale konteks? (Aanlyn)
  • 24-26 Oktober                    Oor ons konteks. Waar is ons nou? (Kontaksessie, Pretoria, moontlike aanlyn opsie)