Die Algemene Sinode van die NG Kerk het in 2007 die A tot Z-beleid vir predikante goedgekeur. Ter wille van die behoud van bedieningsvaardigheid en bedieningsbevoegdheid, word, volgens dié beleid, van alle predikante verwag om deel te neem aan die program vir voortgesette bedieningsontwikkeling (VBO).

Met die oog op die sinvolle koördinering van predikante se deelname aan VBO, word gevra dat predikante registreer as VBO-lid. Jy kan dit doen deur die stappe hier onder te volg. Daarna sal jy ook gereeld korrespondensie ontvang oor alle VBO-werksaamhede en –ontwikkelinge.