Excelsus bied aan predikante ‘n opwindende metode waarvolgens selfstudie aangebied kan word vir VBO-punte. Die proses is maklik, eenvoudig en vinnig!

Nadat jy ’n boek of akademiese artikel gelees het, skryf jy ’n verslag in die volgende formaat:

1. ’n Opsomming van die inhoud (300 woorde)

2. ’n Kritiese evaluering van die inhoud (300 woorde)

3. ’n Samevatting van wat die inhoud van die boek vir jou bediening beteken het (300 woorde)

Besoek dan Excelsus se webwerf en kliek op die skakel “Selfstudie” en gaan na “Handig my verslag in”. Daar sal jy stap vir stap aanduidings kry oor hoe om jou verslag op te laai en jou punte te registreer. Jy verwerf 2 VBO-punte vir elke akademiese artikel en 5 VBO-punte vir elke relevante boek wat jy gelees het en waarvan jy die verslag ingehandig het.

Jy kan ook gaan na die bladsy “Lees ander se verslae” om ’n lys te kry van boeke en verslae wat deur ander gebruikers gepubliseer is.